സ്മിത മീനാക്ഷിദില്ലി |  |
കവിത
കിണര്
ആഴക്കിണറിന്റെ ഓര്മ്മകളില്
പുല്ലുപുതച്ച ഒരു സമതലമുണ്ട് .
ജീവന് തുടിക്കുന്ന വേരുകള്
ഇക്കിളിപ്പെടുത്തുന്ന മണ്ചൂടുണ്ട് .
ജലക്കാഴ്ചയുടെ പ്രലോഭനത്തില്
ഇടിഞ്ഞിളകി താഴ്ചകള് തേടുമ്പോള്
കളഞ്ഞു പോയൊരു പൂമരച്ചോടുണ്ട് .
ഇപ്പോള്, ഈ തണുത്ത വെള്ളക്കെട്ടിനെ
ചേര്ത്തുപിടിച്ചു, ഇതെങ്കിലും
എന്നുമുണ്ടാകുമെന്നു ദാഹിക്കുന്നു
പാവം കിണര്.
No comments:
Post a Comment